كود – كازا //

حفيرات الزين شحال هادي كانو الرومان كيسميوهم باسم إلهة الجمال “حفيرات فينوس” كعلامة على الجمال الطبيعي والأنوثة، وفعصر النهضة، كانو الرسامة والنحاتة كيصوروهم فلوحاتهم ومنحوتاتهم كتعبير جسدي راقي، حتى اليوم مزال بزاف من الناس كيشوفو فيهم تقيبات جدابين .

واليوم فعالم الموضة والجمال بزاف من عارضات الأزياء والمؤثرات كيبينو هاد التقيبات فسوشل ميديا وفالعروض ديالهم، حتى ولاو شي وحدينات كيديرو عمليات تجميلية باش يخلقوهم اصطناعياً، وخا أن الجراحين كيقولو بلي النتائج ماشي مضمونة.

هاد تقيبات ما عندهمش علاقة لا بالرياضة لا بالريجيم، السبب بسيط هو واحد العصبة قصيرة كتشد الجلد للداخل حتى العظم، بلا ما تكون شحمة ولا عضلات فديك البلاصة، يعني تكوينهم مرتبط بالبنية العظمية وترتيب بالأنسجة من مرحلة التكوين.

التقيبات ما كيبانوش عند كلشي. غير20% من الناس عندهم هاد الخاصية، ربعهم عيالات، مقابل 6% فقط عند الرجال، السبب هو أن الحوض عند المرأة واسع، وهاد الشي كيخلي الرابط قصير ومشدود كثر، والتقيبات كيبانو واضحين أكثر خصوصا إلا مكانش مولاها غليظ.. ونتا عزيزي القارئ عندك حفيرات الزين؟