كود – وكالات //

بان الرئيس الفرنسي إيمانويل ماكرون لبارح عيان، ملي وصل لقاعدة إيستر الجوية فإقليم بوش دو رون، فين مشى يبارك راس العام للجيش الفرنسي، الظهور ديالو مدازش عادي، مني هبط من الطيّارة وهو لابس نظاظر ديال الشمش.

https://www.facebook.com/share/r/1DZ5rZji3r/

مني جا وقت الخطاب حيدهم، وبانت عينيه اليمنى زرگة وناعسة، الشي اللي خلا بزاف الناس يتساءلو علاش وشكون لي درا لماكرون هكاك، قبل مايبدا الخطاب ويقول ’’عذروني على منظر عيني لي ماشي حتا لهيه غير شي حاجة عادية ما فيها حتى شي خطر‘‘.

شرح ماكرون باللي هاد الحمورية ما عندها حتى علاقة بشي مرض ولا مشكل صحي خطير، ولكن غير نتيجة ديال العيا وقلة النعاس وستريس الخدمة.

ماكرون دوز أيّام وهو كيتنقّل، وكيدير اجتماعات، وكيوجد الخطابات، لدرجة  العينين مرضو وبان عليه العيا مزيان.

ماكرون باش يضحك الحضور قاليهم “’’هادي غير عين النمر  لي كدل على القوة والنية، فرنسيين علقو فسوشيال ميديا وقالو ياكما المدام دارتها تاني ومخبيها علينا!.