كود -وكالات //

كتبيّن دراسات طبية جديدة بلي وضعية الولادة اللي ولات  الأكثر انتشاراً فالسبيطرات  (ديال المرأة كتولد وهي ناعسة  على ظهرها) ماشي بالضرورة هي الأفضل من الناحية الصحية، هاد الطريقة ما كتستافدش من الجاذبية ديال الارض ، وهاد الشي كيقدر يعقّد عملية المخاض، و يطوّل مدتها، ويزيد من احتمال التدخلات الطبية بحال القيصرية ولا البنج ،فالمقابل، كيبانو الوضعيات العمودية بحال الوقوف ولا نص وقفة  أكثر فائدة، حيث كيوسعو الحوض وكيعاونو الجنين ينزل دغيا بشكل طبيعي.

ومن ناحية أخرى كيرجع أصل هاد العادة الجديدة  لقرون قليلة ، تقريباً من القرن17، مني ولاو الأطباء فبلاصة القابلات، بحيث ولات الوضعية كتبنا على راحة الطبيب ولي معاه، اليوم كتقول الدراسة أن  “الولادة النشيطة” كتشجع المرأة تتحرك بحرية وسط المخاض وتختار الوضعية اللي كترتاح فيها وكتأكد بزاف ديال الدراسات أن هاد المقاربة كتقلل من الألم و كتقصّر مدة الولادة، وكتحسّن صحة الأم والرضيع.