الرئيسية > آش واقع > شكون للي ما باغيش رأس السنة الامازيغية عيد وطني؟ الاحرار والبي بي اس والاتحاد والحركة مع والبي جي دي ما باغيش ياخد موقف
12/01/2019 16:46 آش واقع

شكون للي ما باغيش رأس السنة الامازيغية عيد وطني؟ الاحرار والبي بي اس والاتحاد والحركة مع والبي جي دي ما باغيش ياخد موقف

شكون للي ما باغيش رأس السنة الامازيغية عيد وطني؟ الاحرار والبي بي اس والاتحاد والحركة مع والبي جي دي ما باغيش ياخد موقف

كود كازا ///

غريب امر هاد الحكومة. اغلبية الاحزاب المشكلة للاغلبية مع اقرار رأس السنة الامازيغية عيدا وطنيا وعطلة رسمية. دارو احتفالات. دارو انشطة فهاد الاتجاه. بيان المكتب السياسي لحزب التجمع الوطني للاحرار نوه فبيانو الرسمي “بالمبادرة البرلمانية المتمثلة في تقديم عريضة إلى السيد رئيس الحكومة من أجل إقرار رأس السنة الأمازيغية عيدا وطنيا وعطلة رسمية”.

الحزب دار اجتماع فالناظور بالريف بمناسبة هاد الحدث وكان لقاء كبير. التقدم والاشتراكية دار نشاطو فمراكش بهاد المناسبة. الحركة الشعبية بنات خطابها كولو على الامازيغية مع اقرار هاد اليوم عيد وطني وعطلة رسمية. الاتحاد الاشتراكي عندو نفس التوجه.

شكون بقى؟ العدالة والتنمية. هاد الحزب مازال ما خرجش من روندتو. مازال ما خداش موقف واضح من هاد القضية. واخا يكون عندو موقف رافض. حقاش كاين جزء من المعارضة =الاصالة والمعاصرة= عندو نفس موقف غالبية احزاب الائتلاف الحكومي٬ علاش ما يتحركوش لهاد الاتجاه.

واش الاحرار كان كيقصد العدالة والتنمية فبياتو باش قال “جدد أعضاء المكتب السياسي موقف الحزب الثابت من القضية الأمازيغية باعتبارها قضية مصيرية حيث أكدوا على أن التجمعيات والتجمعيين لن يقبلوا التعامل معها بمنهج التراخي أو بمنطق الانتهازية المبني على استعارة مبادئها كمساحيق لتلميع الصورة كل ما كانت الحاجة تخدم أجندة طرف أو آخر”.

موضوعات أخرى

24/05/2019 13:00

من بعد فضيحة الكوبي كولي. فضيحة جديدة ضربات سعيد الناصري.. السيناريست محمد نوماق: كتبت ليه سيناريو “البوي” ونصب عليا فيه.. وفسيناريو اخر عطاني 600 درهم ونهار بغيت نواجهو بلوكاني