گود سبور//

كشفت تقارير إعلامية جنوب إفريقية، أن قضية فساد كروي وبيع وشرا ديال الماتشات غاتفرگع فالكورة الإفريقية، بطلها فريق إفريقي كبير وأن الاتحاد الدولي لكرة القدم دخل على الخط لفتح تحقيق فهذا الشي.

وحسب الإعلامي الجنوب إفريقي Micky Jnr، فكابيتان ديال فريق إفريقي كبير فالقارة الإفريقة، متهم بالتلاعب بالماتشات وآن الاتحاد الدولي لكرة القدم، رسلو وثائق إلى الاتحاد الإفريقي لكرة القدم تتضمن مزاعم بالتلاعب بنتائج الماتشات.

وقال نفس المصدر إن الفيفا طالبو الكاف تعاون فالتحقيق وتقديم كل الأدلة المتعلقة بأكثر من 8 الماتشات اللي تم التلاعب بالنتائج ديالها، وأن التهم كاتقول بلي هذا النادي والمسؤولين عليه كايعطيو للاعبين المنافسين فلوس مقابل أنهم ما يلعبوش مزيان ضد فريقهم باش يربح الماتشات.

وأن القضية وصلت لعند جياني إنفانتينو رئيس الاتحاد الدولي لكرة القدم، وتواصل فهادشي مع باتريس موتسيبي رئيس الاتحاد الإفريقي، وعبر له على القلق ديالو بهذا الخصوص، والفيفا والكاف عبرو بجوج عن استياؤهم من التلاعب بالماتشات.