الرئيسية > كود سبور > شكون غادي يرجع مدرب لبركان…الدميعي قريب وفيرنانديز تشرط بزاف
12/09/2019 17:00 كود سبور

شكون غادي يرجع مدرب لبركان…الدميعي قريب وفيرنانديز تشرط بزاف

شكون غادي يرجع مدرب لبركان…الدميعي قريب وفيرنانديز تشرط بزاف

كود سبور//

نهضة بركان من هادي شحال، وهو كيقلب على مدرب جديد، لي غادي يعوض منير الجعواني في تدريب البراكنة في الموسم القادم.

الفريق اتاصل ببزاف ديال المدربين وكانوا باغيين فرانساوي هو لي يشد الفرقة، لكن المفاوضات فشلات مع المدرب لويس فيرنانديز.

المدرب الفرنساوي جا البركان وضرب ضورة في السعيدية وتكلم مع المسؤولين على بزاف ديال الحوايج وفي نهاية المطاف رجع بحالو بلا مايسيني الكونترا.

مصادر “كود”، أكدت أن فيرنانديز تشرط بزاف على مسؤولي بركان، في الصالير والسكنى وأمور اخرى.

هاد الفشوش ما خدمش مع البراكنة لي قلبو وجههم ومشاو عند هشام الدميعي، المدرب السابق لأولمبيك أسفي.

الدميعي رحب بالفكرة وبركان غادي يوقع معه العقد في الأيام القليلة القادمة، حسب مصدر بركاني.

موضوعات أخرى