كود عن الوكالات ///

قال الرئيس الامريكي جو بايدن للصحافيين ان لديه ادلة دامغة مصدرها وزارة الدفاع الامريكية “البنتاگون” على الجهة اللي دارت مجزرة مستشفى المعمداني فعزة ول البارح واللي مات فيها 500 شخص. بايدن قال “بناء على المعلومات اللي عندنا حتى الآن، كيبان ان الضربة من صاروخ غير مسارو وهاد الصاروخ طلقاتو جماعة ارهابية فغزة”.

وكان بايدن اللي دوز 8 سوايع فاسرائيل جا باش يدعمها٬ تبنى من اللول الرواية الاسرائيلية٬ وقال “حزنت وغضبت بشأن الانفجار في مستشفى المعمداني أمس ويبدو أن الجانب الآخر وراء ذلك وليس أنتم”. اي انو كيقول للعالم راه اللي قالتو اسرائيل هو الصحيح راه اللي ضرب المستشفى ماشي اسرائيل ولكن “الجانب الاخر” فاشارة للجهاد الاسلامي اللي تاهماتو تل ابيب.  

 حركة “حماس” اللي كتسيطر علي غزة وقبلها “الجهاد الاسلامي” نفاو من جهتهم استهداف المستشفى واخا غير طريق الخطأ وحملو المسؤولية لاسرائيل. هاد الرواية غالبية الدول العربية مشات معاها