كود كازا ///

هادي اسابيع نشرات “شوف تيفي” لايڤ من عين الدياب فكازا على جوج ريسطورات تماك كيخدمو بلا رخص. “تشيلو” و”ڤيراندا” ديال شي مرا قوية بزاف بزاف وكيخافو منها كلشي مسؤولي كازا. يتعلق الامر بسيدة اسمها اسماء الجهيري. كتقدم راسها سيدة اعمال.

سيدنا باش كيكون فكازا كيدوز من قدام هاد المطاعم اللي مولاتهم تحدات كلشي.هاد “تشيلو” و”ڤيراندا” كيقدمو المشروبات الروحية بلا رخصة.

حسب ما عملته “كود” القضية مازال ناعسة وحتى حد ما قادر يقرب ليها.

بناو ايطاج كولو بلا رخصة. الوكالة الحضرية دارت خدمتها راسلات عامل انفا على هاد البناء العشوائي ووالو.جات لجنة لتماك ودارت تقريرها وتم الوقوف على كاع الخروقات وما قدر حتى حد يطبق القانون

علاش هاد الريسطورات مازال فاتحين وشكون هاد لمرا وشكون حاميها.

غاديين نرجعو للموضوع على هاد السيدة المتحكمة

تحدي للقانون بحال هاداد اللي حول فيلا فالعنق لريسو. كلشي ممنوع عليه البني حتى بانت وحدة فمنطقة محرمة وتتعلي طابق جديد، خارج القاون وبدون ترخيص وأصلا البلاصة محرمة البناء، أي غير قابلة للبناء ولا يجوز تشييد أي حاجة فيها بموجب حق الارتفاق المفروض في وثائق التخطيط لفرض حماية المال العام والمصلة العامة.

هاد البناية كانت معروفة باسم مقهى المنار سابقا، CAFE LE FARRE، والبني خدام دابا نيت وبالعلالي، لا مسؤولين تايدورو تما ولا شرطة التعمير ولا قايد ولا باشا، كلشي ضارب الطم، أكثر من ذلك، سمعنا بلي اللسيد اللي تيبني خارج الضوابط، قالو ليه ضرب الحديد ما حدو سخون وزرب عليها فالويكاند وكمل كلشي ودابا راه خدام. هادا كيقول ليهم راه محمي حتى هو