كود كازا ///
هادي اكثر من جوج سيمانات بدات السلطات المحلية باولاد عزوز ودار بوعزة واولاد صالح وبوسكورة …. نواحي كازا، فتطبيق القانون وترياب كل كوري او هونگار او بناية ما عندهاش الرخصة.
غير فاولاد عزوز وحتى دار بوعزة بقات هونگارات السمسار الطاشرون لملايري اللي كيستغل الصحافة، خارجة على تنفيذ القانون. جاه امر بالهدم ولكن ما قربوش ليه. السيمانا اللي فاتت قال ل”كود” مسؤول بجماعة فيها هونگاراتو، باللي غادي يوقع الترياب. هو تفاجأ باش ما وقع والو. والو والو.
هاد السمسار اللي كيتباهى باللي كيتحدى وزير الداخلية ما قربوش ليه. ريبو لعدد كبير من الخارجين على القانون وخلاوه.
هادي راها فضيحة كبيرة. وزير الداخلية قال فالبرلمان قبل اسابيع اللي القانون غادي يمشي على كلشي. قول لينا اليوم يا السي لفتيت علاش ما طبقش على هاد السمسار لملايري الطاشرون للي كيستغل الصحافة باش يضاعف ثروتو
