الرئيسية > آش واقع > شكون باغي يشوّه السمعة ديال الأزمي.. “إشاعة” عاود كتقول أن الفرقة الوطنية عيطات ليه.. عمدة فاس لـ”كود”: التخربيق هادشي
22/10/2019 16:50 آش واقع

شكون باغي يشوّه السمعة ديال الأزمي.. “إشاعة” عاود كتقول أن الفرقة الوطنية عيطات ليه.. عمدة فاس لـ”كود”: التخربيق هادشي

شكون باغي يشوّه السمعة ديال الأزمي.. “إشاعة” عاود كتقول أن الفرقة الوطنية عيطات ليه.. عمدة فاس لـ”كود”: التخربيق هادشي

عمـر المزيـن – مكتب الرباط//

رئيس المجلس الجماعي لمدينة فاس، إدريس الأزمي الإدريسي، كل مرة يطلقو عليه الهضرة الخاوية. هادي يومين يتم الترويج لإشاعة جديدة كتقول أن القيادي البارز في صفوف حزب العدالة والتنمية تم استدعائه من قبل الفرقة الوطنية للشرطة القضائية الكائن مقرها بالدار البيضاء.

هاد الإشاعة، المنشورة فشي بْلُوكْ إسمه “التحليل السياسي”، كتقول أن الفرقة الوطنية غادي تفتح تحقيق مع الأزمي بأمر من الوكيل العام بفاس على خلفية شكاية توصل بها من الهيئة الوطنية لتقييم تدبير الشأن المحلي ومحاربة الفساد.

وزعم هاد الجهات التي تروج لهاد الإشاعة أن الأزمي متورط في إعفاء عائلة نافذة من أداء الضريبة على قطعتين أرضيتين تزيد مساحتهما عن 390 هكتارا في المدخل الجنوبي ديال فاس عبر الطريق السيار، مما كلف الجماعة خسارة تزيد عن 30 مليار سنتيم.

عمدة فاس الأزمي قال علق على هاد الإشاعة بالقول: “هادشي غير التخربيق. وهادي نفس القصاصة التي تتكرر مرة مرة منذ ثلاث سنوات بنفس المتن والمداد”.

موضوعات أخرى