گود سبور//

مشات الحكمة المغربية بشرى كربوبي تتغرب فبلاد بعيدة، بعدما لقات التهميش هنا فالبطولة المغربية.

بشرى كربوبي اللي تختارت احسن حكمة أفريقية لعام 2024، من طرف الاتحاد الافريقي لكرة القدم، وحكمت ماتشات مهمين وطنياً وأفريقيا، اضطرت تمشي لجزر تاهيتي فجنوب المحيط الهادي باش تكمل الشغف ديالها كحكمة لكرة القدم.

بشرى كربوبي سبق لها وعلنت قرارها اعتزال التحكيم احتجاجا على تعرضها للتهميش، من طرف المديرية المركزية للتحكيم.

اما المتتبعين د الكورة المغربية، فعدد منهم كايعتبرو ان هذا الشي اللي تعرضت له بشرى كربوبي من تهميش هو خسارة للكورة المغربية والتحكيم المغربي والافريقي.