الرئيسية > آش واقع > شكل احتجاجي جديد.. الجبهة الاجتماعية المغربية طلبات من المغاربة يطفيو الضو 10 الدقايق حدادا على الناس اللي ماتو فمعمل “البرانص” فطنجة
11/02/2021 14:50 آش واقع

شكل احتجاجي جديد.. الجبهة الاجتماعية المغربية طلبات من المغاربة يطفيو الضو 10 الدقايق حدادا على الناس اللي ماتو فمعمل “البرانص” فطنجة

شكل احتجاجي جديد.. الجبهة الاجتماعية المغربية طلبات من المغاربة يطفيو الضو 10 الدقايق حدادا على الناس اللي ماتو فمعمل “البرانص” فطنجة

كود كازا//

طالبات الجبهة الاجتماعي  المغربية، فبلاغ ليها اليوم الخميس، المغاربة باش يشاركو فشكل احتجاجي جديد، حدادا على ارواح العمال والعاملات اللي غرقو بسبب سيول الأمطار فمعمل “برانص” فطنجة.

وطالبات الجبهة، من المغاربة فكل أنحاء المغرب، يطفيو الضو لمدة 10 دقائق نهار الاثنين 15 فبراير ابتداء من التسعود دالليل.

وهذ البادرة كتجي “حدادا على العاملات والعمال بطنجة ضحايا الفساد والاستبداد، وتضامنا مع عائلاتهم ومع الطبقة العاملة عموما”، حسب البلاغ نفسو.

وماتو فالوحدة الصناعية، الخاصة بالنسيج، 28 واحد، فيحين مازال البعض فالسبيطار فحالة خطيرة، بعدما تسرب ليهم الما دالشتا اللي طاحت مؤخرا فالمدينة وتسببات ففيضانات.

وفالوقت اللي اعتبرات السلطات المحلية هذ الوحدة “سرية وغير قانونية”، فبلاغ ليها تكلات فيه على الفاجعة، اعضاء كثر فنقابة النسيج والألبسة فطنجة أكدو ان الوحدة مرخصة.

موضوعات أخرى

28/02/2021 09:30

بعد تقرير المخابرات الأمريكية على خاشقجي..”معتقلي الرأي” فالسعودية فرسالة لمحمد السادس: نناشدك باش تدخل لإطلاق سراح المعتقل الحسيني ومتسلموش للسعودية

28/02/2021 08:00

بالتصاور كيفاش الواقع فرش اساطير الجزائر والبوليساريو. ذكرى تأسيس “الجمهورية الصحراوية” ما تسوق ليها حد فالعيون. اجيو ديرو دورة مع “كود” فالمدينة كيف كانت البارح