وكالات //

مزال الدعاوي ديال الاعتداء الجنسي والتحرش والاغتصاب كتنزل بحال الشتا على الممثل الفرنساوي المعروف جيرار ديبارديو، لي دخل ففضائح جنسية ممعروفش كيفاش غاد يخرج منها.

على حساب ماقالت بزاف ديال المواقع ف فرنسا، فالادعاء ديال البلاد توصل بشكاية جديدة شهر سبتمبر لي فات من ممثلة جديدة.

كتقول هاد الممثلة أن ديبارديو تحرش بيها وقاص صدرها والمؤخرة ديالها فالتصوير ديال واحد الفيلم عام 2007.

دابا الادعاء في البلاد كتشوف واش غادي تفتح حتى هاد الملف ولا غادي تديرو حتى هو فالتقادم.

غير باش نفكروكوم، راه من 2020 والشكايات ديال التحرش والاغتصاب كتلاحق هاد الممثل الفرانساوي المعروف، وصلات دابا لـ14 مرأة.