الرئيسية > تبركيك > شفنا العجايب والغرايب مع هذ الانتخابات. باجدة دايرين لعبة مبرهشة ف”أندروويد” فيها التماسيح والعفاريت والمفسدين باش يدفعو المواطنين للتصويت على اللامبا
04/09/2021 14:00 تبركيك

شفنا العجايب والغرايب مع هذ الانتخابات. باجدة دايرين لعبة مبرهشة ف”أندروويد” فيها التماسيح والعفاريت والمفسدين باش يدفعو المواطنين للتصويت على اللامبا

شفنا العجايب والغرايب مع هذ الانتخابات. باجدة دايرين لعبة مبرهشة ف”أندروويد” فيها التماسيح والعفاريت والمفسدين باش يدفعو المواطنين للتصويت على اللامبا

عفراء علوي محمدي- كود//

شفنا العجب فهذ الحملة الانتخابية ومازال الخير، الباجدة مازال ماملوش من الكراسة وعوالين يكملو 15 لعام، ومنين تقاضاو ليهم الأفكار وشافو الطرح سخن ومادارو والو، جاتهم فكرة جهنمية باش يضمنو الأصوات بلا عذاب: ناضو يديرو لعبة فالأندرويد بحال شكل “Angry Birds”.

اللعبة فيها أغنية “أرواح أرواح صوت وارتاح”، واغاني خرين، والهدف منها هو تلوح لامبا وتجيبها فراس التماسيح والعفاريت والمفسدين اللي كيبانو وخاص تقضي عليهم، واللي أشكالهم كتقتل بالضحك، وعاد حاطين معاهم “المال الحرام” و”القنب الهندي” و”الذباب الإلكتروني”، وشي تخربيق.

ومن بعد، فنيفو آخر كيخص تلوح لامبا فالصندوق، وإياك تزلق ليك وتجيبها فطارو الزبل، أو تتعكليك ف”القاسم الانتخابي” اللي مصورينو بحال شي مقوصة كبار واقفين فطريق “البيجيدي”.

الفكرة فحد ذاتها حمقة ومبرهشة وما تصلاح غير للوليدات الصغار اللي مازال ماوصلو حتى للسن القانوني للتصويت، ومايمكنش للحزب الإسلامي يطفرو بها ولا يحقق شي إنجاز، خصوصا وأن أحزاب كثيرة نازلة للتيران وكتواصل مع المواطنين.، ماشي كتفلى عليهم ب”الديبشخي”.

موضوعات أخرى

24/09/2021 08:33

هادو يكونو وزراء خارجية احسن بكثير من بوريطة ويرجعو لديبلوماسيتنا هيبتها: هلال او بنيعيش او ابو ايوب او العمراني عندهم الكفاءة والشخصية والثقافة كتفوق على ناصر