الرئيسية > كود-تيفي > شفار خون تيليفون ورجعو لمولاتو حينت معجبوش.. والنهاية ديالو كانت صادمة- فيديو
21/02/2024 01:00 كود-تيفي

شفار خون تيليفون ورجعو لمولاتو حينت معجبوش.. والنهاية ديالو كانت صادمة- فيديو

شفار خون تيليفون ورجعو لمولاتو حينت معجبوش.. والنهاية ديالو كانت صادمة- فيديو

وكالات//

البوليس ف تركيا شدو واحد السيد متلبس بسرقة التيليفون ديال واحد المراة داخل طوبيس، وكيقولو أنهم شدوه بعدما كانو كيتبعوه لمدة طويلة وجمعو ليه 37 قضية ديال السرقة.

ماشي هادشي لي خلا هاد المتهم يتشهر بزاف فتركيا، ولكن واحد الفيديو لي نتاشر ليه وهو كيشفر واحد المراة وهوما طالعين فالطوبيس، ولي كانت فيه لقطات طريفة.

كيبان فواحد الفيديو لي نتاشر بزاف على السوشيال ميديا في تركيا هاد السيد وهو كيخشي يديه فساك واحد المرا وهوما طالعين فالطوبس، وكيجبد تلفون.

ولكن لي خلا الناس تضحك هو أنه قلبو من القدام ومن اللور ومعجبوش وهو يرجعو ليها.

كتقول الصحافة ديال تركيا أن السيد عيط للمراة وقاليها تيليفونك طاح ليك، ولكن لسوء الحظ ديالو كانو البوليس قانيين عليه وشدوه ديك الساعة كيف كيبان ف الفيديو.

موضوعات أخرى

22/04/2024 07:00

قاضي التحقيق بابتدائية سطات هبط موظف سجن عين علي مومن الحبس وها التهم للي توجهات ليه