الرئيسية > كود-تيفي > شفار حنين.. عطاتو مرا كبيرة صاكها وهو باس ليها على راسها وقال ليها مامحتاجينش فلوسك الشريفة -فيديو
19/10/2019 06:00 كود-تيفي

شفار حنين.. عطاتو مرا كبيرة صاكها وهو باس ليها على راسها وقال ليها مامحتاجينش فلوسك الشريفة -فيديو

شفار حنين.. عطاتو مرا كبيرة صاكها وهو باس ليها على راسها وقال ليها مامحتاجينش فلوسك الشريفة -فيديو

وكالات-كود//

في البرازيل دخلو شفارة باش يكريسيو فرماسيان وتزامن وقت الجريمة مع مرا عجوز كانت باغة تشري الدوا. السيدة شافت الشفارة وتخلعات وقالت ليه هاك صاكي فيه الفلوس.

الشفار طلع حنين حسب ما بان في الكاميرا ديال المراقبة، شدها باس ليها راسها وقال ليها غير خلي فلوسك عندك كاع مامحتاجينهم.

وحاول الشفار لي كان هاز السلاح يطمأن السيدة العجوز ويهدءها وقال ليها ماتخلعيش، وخلا صاحبو كيكشط فالروسيطة ديال الفرماسيان.

قبل ما يخرج، باسها في راسها ومشاو هربو. البوليس جاو دغيا لعين المكان، لكن الشفارة هربو والبحث باقي مستمر عليهم من نهار الثلاثاء.

 

موضوعات أخرى