وكالات//

فيديو داير البوز في مصر على السوشيال ميديا، تصور من كاميرا ديال المراقبة، وكيبين واحد البنت، عندها غير 15 عام، وهي كتشعل العافية في 3 ديال الطوموبيلات.

هاد الواقعة وقعات في مدينة سميتها جرجا التابعة لمحافظة سوهاج، وكتبين  هاد البنت وهي كتشعل العافية في 3 ديال الطوموبيلات ولي تحولو كلها لهيكل متفحم.

وكيقولو شهود من المنطقة ان البنت ماساكناش تما، وقالت ليهم اكثر من مرة انها فرحانة كينت دارت هاد الفعلة هادي.

ودارو البوليس ديال المنطقة واحد البيان كيقولو فيه انهم شدو البنت لي عندها غير 15 عام، ودابا كيحققو معاها باش يعروف الملابسات ديال هادشي وشنو لي خلاها تديرو.