كود سبور//

ربحت شركة POPULOUS البريطانية، صفقة بناء تيران الدار البيضاء الكبير اللي غيكون فمنطقة بنسليمان، واللي داخل ضمن التيرانات اللي غينظم فيها المغرب وإسبانيا والبرتغال مونديال 2030.

وعلنت شركة POPULOUS البريطانية، أنها ربحت صفقة بناء تيران الدار البيضاء الكبير اللي غيكون أكبر تيران فالعالم، بسعة ديال 115 ألف متفرج، وغيكون الملعب حسب الشركة متوافق مع معايير الفيفا باش يتنظمو فيه ماتشات كوب ديموند 2030.

ووضحت الشركة البريطانية اللي فايت لها بنات ملاعب عالمية بحال تيران توتنهام ولوسيو وتيران ويمبلي، (وضحت) أن مساحة تيران الدار البيضاء ممتدة على 100 هكتار بالمنصورية فإقليم بنسليمان وأن التصميم ديال التيران غيكون مستلهم من التراث المغربي المعروف بـ”الموسم”، وغيكون بحال الخيمة ودايرة به الطبيعة.