كود – كازا //

خدات شركة Foster Processing جائزة أحسن  أداء مبتكر فالدورة 20 ديال APIDE 2026، على ودّ المشروع ديالها Click by BNM اللي تدار للبنك الوطني الموريتاني، هاد الحل هو بزطام إلكتروني كيخدم فالتليفون وهدفو تسهّال الولوج للخدمات المالية للناس كاملين، حتى اللي ما عندهمش حساب بنكي، وكتعاون فالتوسّع ديال الأداء الرقمي فواحد السوق اللي  كيتحوّل شوية بشوية.

هاد الشركة كتخلي الكليان يحوّلو الفلوس، ويخلصو الفاكتورات والضرائب، و يديرو الأداء اليومي، وحتى يستافدو من كارطة مسبوقة الدفع، المزيان فيها تاني انها  مربوطة مع الݣيشيات ديال البنكات، يعني كتجمع بين الأداء الرقمي والسحب ديال الكاش، وكتسهّل على الناس يدخلوا للعالم الرقمي بلا ضغط وبطريقة آمنة وساهلة.

هاد المشروع تخدم بتنسيق منظم بين Foster Processing وشريكها التقني Skaleet، اللي وفّرات منصة الأنظمة البنكية. Foster كانت مسؤولة على تنظيم مسار الكليان، وربط الحلول التقنية، وضمان احترام القوانين. ،هاد الخدمة بينات باللي Foster عندها تجربة كبيرة فدمج الحلول البنكية، وكتأكد الموقع ديالها فإفريقيا كشركة كتخدم على حلول رقمية قوية، آمنة، وقابلة للتطوّر، وكتخدم الشمول المالي بواحد التأثير الحقيقي.