الرئيسية > آش واقع > شركة ولد احيزون و”SOS” الرباط خداو صفقة تدبير الزبل فالعاصمة والعمدة زادت ليهم 30 مليون درهم بسباب ارتفاع الاسعار.. و”أوزون” ديال البدراوي تصدمات
12/09/2022 13:30 آش واقع

شركة ولد احيزون و”SOS” الرباط خداو صفقة تدبير الزبل فالعاصمة والعمدة زادت ليهم 30 مليون درهم بسباب ارتفاع الاسعار.. و”أوزون” ديال البدراوي تصدمات

شركة ولد احيزون و”SOS” الرباط خداو صفقة تدبير الزبل فالعاصمة والعمدة زادت ليهم 30 مليون درهم بسباب ارتفاع الاسعار.. و”أوزون” ديال البدراوي تصدمات

كود الرباط//

اختارت جماعة الرباط، جوج شركات باش ياخدو مارشي التدبير المفوض لخدمات جمع النفايات والنظافة، ويتعلق الأمر بكل من شركة ARMA  وشركة SOS.

وحسب محضر اجتماع توصلت به “كود”، فإن شركة ارما ديال يوسف احيزون ( ولد احيزون، باطرون اتصالات المغرب)، غادي تكلف بمقاطعة اليوسفية، أكدال الرياض والسويسي، أما شركة SOS لجماعة تواركة ومقاطعتي حسان ويعقوب المنصور.

الطوطال ديال الصفقة تقريبا حوالي 258 مليون درهم، مع العلم أن رئيس الجماعة زادت فمبلغ الصفقة بـ30 مليون درهم.

وبتاريخ 19 أبريل 2022، تم فتح الأظرفة وبعدها عملية انتقاء عروض 4 شركات وهم AVERD وSOS وOZONE وARMA.  وبعدما التدقيق تقصاو جوج شركات منها شركة اوزون ديال البدراوي رئيس فريق الرجاء البيضاوي.

وطرات تغييرات على دفتر التحملات وعلى رأسها الزيادة في المبلغ الاجمالي بـ30 مليون درهم، لعدة أسباب منها ارتفاع اسعار البنزين، الرفع من عدد المستخدمين، تجويد حالة الشاحنات والأليات وتحديث المنظومة المعلوماتية.

واستغربت مصادر من المعارضة في حديثها مع “كود” الزيادة في قيمة الصفقة الاجمالية بـ30 مليون درهم، مع العلم أن الكثافة السكانية بالعاصمة تراجعت في السنوات الاخيرة وكذلك المساحة الاجمالية تقلصت، وان اسعار البنزين فتراجع.

موضوعات أخرى

01/10/2022 13:21

من بعد الروينة ديال البارح.. ناس البولفار: كنعتاذرو من كلشي والحب ديال الموسيقى والايمان ديالنا بالشباب ماكاينش لي غادي يزعزعو