وكالات//

كتواجه شركة نستله موجة ديال الانتقادات بعدما كشف تحقيق جديد بأن أغلبية حبوب الأطفال اللي كاتبيعها فعدد كبير من الدول الإفريقية فيها سكر مضاف، رغم أن منظمة الصحة العالمية كتوصّي بشكل واضح باش ما يتستعملش السكر فغذاء الأطفال اللي أقل من 3 سنين.

التحقيق اللي دارتو منظمة Public Eye بتعاون مع نشطاء من أكثر من 20 دولة إفريقية، شراو فيه 94 عيّنة من منتجات Cerelac الموجّهة للأطفال ابتداءً من ستة شهور. وبعد التحليلات المخبرية، تبيّن أن أكثر من 90% من هاد المنتجات فيها سكر مضاف بمتوسط 6 غرامات فكل وجبة، يعني تقريباً معلقة ونص صغيرة. وفبعض الدول بحال كينيا وصلات الكمية حتى 7.5 غرامات.

المثير فالأمر هو أن المنتجات اللي ما فيهاش السكر كانت غالباً إمّا مستوردة أو مخصّصة للأسواق الأوروبية، وما عدا هاد الشي، ما بانوش بلا سكر غير جوج ديال الأنواع الجديدة فجنوب إفريقيا.