وكالات//
قررات شركة الخطوط الجوية ديال دولة سريلانكا أنها تحبس واحد البيلوط من الخدمة بسباب مدابزة دارها مع وحدة من مضيفات الطيران.
على حساب ماقالت تقارير صحفية دولية، فالبيلوط سد على المضيفة ديال الطيران في طواليط بسبب مدابزة بيناتهم.
وقالت بلي البيلوط تفاجأ أن المضيفة مشات لطواليط وخوات القمرة ديال القيادة بلا متأمن البديلة ديالها، وهو شي لي كيتعارض مع إجراءات السلامة.
البيلوط كعا، وقرر أنه يسد عليها الباب ديال طواليط على طول التسافيرة.
دابا الشرطة دارت بيان وقالت إنها وقفات البيلوط من الخدمة حتى تحل معاه أونكيط باش تعرف الحيثيات ديال هادشي لي دار.
