وكالات//

نوضات واحد الشركة في الصين روينة كبيرة بسبب الشروط لي دايراها في الإعلان ديال التوظيف لي دارتو.

على حساب ماقال موقع أوكسيدونتال المتخصص في الأخبار الغريبة، فهاد الشركة لي كاينة في قوانغتشو بمقاطعة قوانغدونغ، شرطات على الناس لي بغات تخدم معاها متكونش تولدت في شهر الكلب.

وزادت كتوضح أن المدير ديالها تولد في شهر التنين، وهو كيعتاقد أنه مغاديش يتفاهم مع شي واحد لي تولد في شهر الكلب، بسبب الاختلاف ديال الأبراج ديالهم.

هاد القضية نوضات الصداع في الصين، ولكن الشركة كتآمن بهادشي ديال الأبراج ومصرة على الشروط ديالها.