وكالات//

مجموعة “ويكو غروب”، المالكة لعلامة الأحذية الشهيرة فلورشيم، رفعات دعوى قضائية ضد إدارة الرئيس الأمريكي دونالد ترامب قدام محكمة التجارة الدولية الأمريكية.

الشركة كتطالب باسترجاع الرسوم الجمركية اللي تفرضات بموجب قانون “سلطات الطوارئ الاقتصادية الدولية”، بعدما حكمات المحكمة العليا، ففبراير الماضي، بأن استعمال هاد القانون لفرض الرسوم غير دستوري، واعتبرت أن الإدارة تجاوزات الصلاحيات التنفيذية ديالها.

المفارقة اللي أثارت الجدل هي أن أحذية فلورشيم كتعتبر العلامة المفضلة عند ترامب، اللي كيلبسها باستمرار وحتى كان كيقدمها هدية لعدد من أعضاء الإدارة ديالو.

ومن بينهم نائبُه جي دي فانس وعدد من الوزراء، حتى ولات هاد الأحذية اللي ثمنها حوالي 145 دولار جزء من المظهر المعتاد ديال المسؤولين المقربين منه.