الرئيسية > آش واقع > شركة التأمين الإسرائيلية “Ashra” عطات 200 مليون دولار لتأمين المصدرين ديال إسرائيل للمغرب
19/06/2021 19:30 آش واقع

شركة التأمين الإسرائيلية “Ashra” عطات 200 مليون دولار لتأمين المصدرين ديال إسرائيل للمغرب

شركة التأمين الإسرائيلية “Ashra” عطات 200 مليون دولار لتأمين المصدرين ديال إسرائيل للمغرب

كود- عن Israel Valley//

كشف موقع Israel Valley، عن مجلة البيزنيس الإسرائيلية، “كَلوبس”، أن شركة التأمين الإسرائيلية Ashra عطات مبلغ كبير للمصدرين ديالها للمغرب، لضمان التأمين ديالهم.

وقالت شركة تأمين مخاطر التجارة الخارجية، التابعة للحكومة الإسرائيلية، أنها عطات 200 مليون دولار للمصدرين لمغرب، و100 مليون دولار للمصدرين للبحرين.

ووضحات الشركة أن هذ التغطية كتتعلق بالاتفاقيات طويلة الأجل والمشاريع اللي كتوصل مدتها ل15 لعام.

وحسب مدير Ashra، نسيم بن إيلي، فالصادرات الإسرائيلية هبطات مع كورونا، ودابا كاين رغبة فتوسيع حجمها ودخول اسواق جديدة، كيف أكد أن التطبيع مع كل من المغرب والبحرين غادي يسمح بتوسع الشركات الإسرائيلية فإفريقيا وآسيا.

وهذ لاسوم كتقدر تحمي المصدرين من مختلف الصعوبات المالية اللي ممكن يواجهوها مع العملاء، أو إلى ماخداوش من عندهم فلوسهم لاسباب اقتصادية أو سياسية.

وكانت علنات Ashra، فبداية هذ الشهر، على تخصيصها لهذ الفلوس لتأمين مصدريها فالمغرب والبحرين.

https://israelvalley.com/2021/06/18/ashra-maroc-bahrein-assurance-risque-du-commerce-exterieur-disrael/

موضوعات أخرى

01/08/2021 22:30

أمانة البي جي دي تالفا.. مقدروش يوافقو على ترشيح بنكيران وحطو امكراز ضدا فالقواعد بتيزنيت والشوباني اللي محارب مع الداخلية حطوه فميدلت باش يواجه الاحرار

01/08/2021 20:00

بعدما لقاو اقدم انسان عاقل ف المغرب.. الباحث ف علم الآثار عبد الرحيم محب: هاد الاكتشاف كيموقع المغرب كمنطقة أساسية ف شمال إفريقيا لدراسة السكان الأوائل