اسماء غربي – كود//

هاد اليوماين توصلات “كود” بايميل من شخص كينعت راسو بمبلغ عن المخالفات او ما يسمى بالفرنساوية lanceur d’alerte.

السيد قال انه كيشعر بقلق كبير بشأن انشاء شركة ALS (خدمات المعامل الاسترالية Australian Laboratory Services)، المزودة لخدمات الاختبار وإصدار الشهادات والتفتيش، (انشاء) شركة تابعة لها فالمغرب، فموقع بولمعادن بالتحديد. وقال ان هادشي كيشكل خطر على قطاع التعدين فبلادنا.

وكتب : كيرتكز قلقي على تاريخ ALS العامر بالممارسات غير الأخلاقية، والانتهاكات الجسيمة للسلامة البيئية والصحية، وقبل كل شيء، تزوير البيانات التحليلية. واضاف: كتثبت الحالات والملاحقات القضائية والغرامات العديدة اللي عند ALS سلوكها غير المسؤول ويمكن حتى الخطير على قطاع التعدين.

وحسب هاد السيد، شاركت ALS فالعديد من حالات تزوير بيانات التحليل، ولا سيما فكوريا الجنوبية حيث قدمت 5 شركات كهرباء عامة شكوى بشأن التلاعب فنتائج اختبار الفحم.

من غير المشكل اللي عندها فكوريا الجنوبية اللونسور داليرت قال ان مكتب مكافحة جرائم الاحتيال الخطيرة (SFO) فالمملكة المتحدة كيحقق ف ALS بشأن مزاعم الفساد فإفريقيا.

“كود” قلبات وسولات، ولقات انه فعلا كاين شكوى فكوريا الجنوبية، ولكن القضاء تما مازال ماقال كلمتو، وحتى تهمة ما توجهات للشركة الاسترالية لحد الساعة. وبالنسبة للتحقيق ديال SFO، والغرامات، والملاحقات القضائية (من غير د كوريا) مالقينا والو..

وفابربل اللي فات خرج موقع Le Desk مقال قال فيه أن ALS أنشأت شركة تابعة لها فكازا، ففبراير اللي فات، وغايتم تخصيصها للتحليل الجيوكيميائي والتحضير الميكانيكي للخامات.