وكالات //

نجحات شركة إسرائيلية باش تبدا تنتج حليب ديال البكَر بلاما تحلب البكَر.

عملية الإنتاج كاملة دازت في لوزين، وولات شركة “ريميلك” (Remilk) أول شركة في العالم تنتج الحليب والمشتقات ديالو بلاما تعتمد على عملية حلب الحيوان.

الصفحة اللي تابعة الخارجية الإسرائيلية (إسرائيل تتكلم بالعربية) كشفات بللي هاد الحليب تم الإنتاج ديالو عن طريق إعادة نسخ جينات البكَر وتحويلها إلى ميكروبات صغيرة كتخضع للتخمير.

https://www.facebook.com/photo.php?fbid=324271209736358&set=a.144958344334313&type=3&theater

الشركة أكدات أن هاد الحليب عندو نفس المذاق ديال الحليب اللي محلوب ضرع البكَرة، ومايمكنش الواحد يفرقو على الأصلي.

للإشارة فهاد الابتكار ديال حليب صحي ومعقم وبلا بكَر خدمو عليه فمختبرات إسرائيلية هادي مدة وكانت النتائج مزيانة.