وكالات //

كيعيش الشرق ديال تركيا حالة ديال الرعب حقيقية بسباب موجة حرائق الغابات لي مزالا كتمدد في البلاد.

وعلن وزير الصحة التركي فخر الدين قوجة في واحد البيان على إكس أن 5 ديال الناس ماتوا بسباب هاد الحرائق، و40 واحد تصابو بإصابات خطيرة.

وبانت في السوشيال ميديا بزاف ديال الفيديوهات لي كتوثق للحرائق الكبيرة لي كتعرفها هاد المنطقة في تركيا.

من جيهتو قال وزير الداخلية التركي أن الحرائق بدات من نهار الخميس والرياح القوية ساعدات على الانتشار ديالها.