كود سبور//

ودع الدولي المغربي وليد شديرة فريق فروزينوني فالطاليان اللي لعب معه بريطي هذا الموسم، وغايرجع لنابولي الطالياني، اللي سناو معه الصيف اللي فات.

وحط وليد شديرة رسالة وداع لمكونات فروزينوني والجماهير ديال الفريق وشكرهم على المدة اللي دوزها معهم، وتمنى لهم التوفيق فالمستقبل.

وكانو نابولي سناو مع وليد شديرة الصيف الماضي وخداوه من باري الممارس فالقسم الثاني من بطولة الطالياني، وصيفطوه بريطي حتى لنهاية هذا الموسم لفريق فروزينوني، باش يولف على منافسات القسم الأول ديال الطاليان.