وكالات//

شدو البوليس ديال مصر واحد الطبيب مشهور متخصص في النساء والتوليد متهم بأنه رمى واحد الجنين عاد تزاد في الطارو ديال الزبل.

الواقعة تفضحات فين بداو كيسمعو مجموعة ديال الناس البكا والغوات ديال دري صغير جاي من طارو ديال الزبل، ومللي لقاوه عيطو للبوليس.

البوليس قدرو يوصلو للطبيب لي ولدو ولي عندو عيادة في مدينة المحلة الكبرى، التابعة لمحافظة الغربية، ولي معروف تما أنه كيعاون العيالات لي كيولدو بكري.

الطبيب نفى التهم لي توجهات ليه، وحتى الأم شدوها، لي قالت أنها قالو ليها أن ولدها تزاد ميت.

دابا البوليس قررو أنهم يعمقو لونكيط باش يوصلو للحقيقة ديال هاد القضية، والدري الصغير في وضعية صحية مزيانة.