وكالات//

تقتل واحد البلوكَر عراقي معروف متحول جنسيا سميتو “سمسم” وسط الشارع في مدينة الديوانية في العراق، ومزال لحد الآن ماعرفوش شكون لي قتلو.

على حساب ماقالت الصحافة ديال العراق، لقاو الناس هاد البلوكَر مرمي فالشارع وكيقولو الشهود أن بزاف ديال الأشخاص قتلوه بعدما ضربوه ببزاف ديال الطعنات فالكرش ديالو.

هاد الجريمة الخايبة بزاف دارت ضجة كبيرة فالعراق، ودابا البوليس علنو أنهم حلو أونكيط باش يعرفو أسباب الجريمة وشكون دارها.

ماشي هادي هي أول مرة كيقتلو فيها شي بلوكَر في العراق، حيت سبق وقتلو بلوكَر آخر معروف سميتو “نور بي إم” فنفس المدينة، إلى جانب بزاف ديال المشاهير لخرين.