كود – كازا ///

قالت جريدة “دياريو دي ألميريا”، أن شخص كيحمل الجنسية المغربية شدوه بوليس ميناء ألميريا قبل ما يطلع لعبارة ويقطع للمغرب مع ولادو القاصرين.

وحسب الصحيفة الإيبيرية، المغربي حصل باغي يهرب ولادو صحة واخا معندوش حق الوصاية القانونية عليهم، بعد ماتت الأم ديالهم قبل عامين وتم تعيين فرد من العائلة وصي عليهم.

وتم اعتقال المعني بالأمر بعدما توجهات الابنة الكبيرة اللي بدورها قاصر إلى بوليسي صبليوني وطلباتو منو يتدخل باش يمنع تهجيرها مع خوتها ( 7 و9 سنين) للناظور.

وبعد الاتصال بمكتب قاضي الأحداث، تبين أن المغربي حاول يهرب ولادو بلا إذن الوصي، وتم إيداع الأطفال مركز متخصص في رعاية القاصرين.