وكالات//

شدات الكاميرا ديال الباباراتزي في ميريكان لأول مرة، لقاء بين المغنية جينيفر لوبيز وراجلها بين افليك، في الوقت لي بداو فيه إجراءات الطلاق.

وقالت الصحافة ديال ميريكان ان هاد الثنائي تلاقاو في الدار ديالهم لي داروها في البيع، وباين انهم بغاو غير يتافقو على شي حوايج ديال الطلاق.

واكدات ان اللقاء مادامش كثر من نصف ساعة، في الوقت لي كانت فيه جينيفر لوبيز مع ماماها.

وأكدوا انهم بجوج خرجو بوجه عابس، ويمكن كان اللقاء بيناتهم متوتر ويقدرو كاع يكونو تناقشو.