وكالات//
كيبان أن المغنية الكولومبية العالمية شاكيرا، ملات من الوحدانية بعدما تفارقات مع شريكها السابق جيرارد بيكي، ولقات أخيرا حب جديد في حياتها.
هادشي على الأقل لي كيقولو واحد الفيديو صوروه ليها وهي في عشاء رومانسي مع واحد الراجل في Lido Bayside The Standard Spa.
https://x.com/ThePopStage/status/1821298364060758497
الناس غادي يعرفو بشكل ساهل شاكيرا في الفيديو، ولكن حتى واحد ماعرف شكون داك الراجل لي كان معاها.
وكانت شاكيرا قالت في وقت سابق إنها مكتركزش حاليا على العلاقات الغرامية ديالها، ولكن أكدات أن الباب محلول لأي علاقة عابرة.
