وكالات//

قررات واحد البرلمانية نيوزيلاندية سميتها غولريز قهرمان تقدم الاستقالة ديالها، بعدما شدوها وهي كتسرق من واحد المحل مشهور ديال الحوايج.

ونشر الموقع النيوزيلاندي NZ Herald واحد الفيديو خداوه من كاميرا المراقبة، كيبين هاد البرلمانية وهي كتسرق ساك د اليد من المحل المعروف.

في أول تعليق ليها، قالت هاد البرلمانية إن الاستقالة ديالها جات بسباب الضغوط، وقدمات الاعتذار ديالها للنيوزيلانديين.

هاد قهرمان الأصول ديالها من إيران وهي لاجئة فنيوزيلاندا، وخدات شهادة الدكتورة من هارفارد فمجال حقوق الإنسان قبل ماتجي لنيوزيلاندا وتولي أول برلمانية لاجئة في البلاد.