كود-كازا//

فبلاغ توصلات بيه ݣود، كيعلن إدريس شحتان، مدير «شوف تيفي» ورئيس الجمعية الوطنية للإعلام والناشرين، قدّام المغاربة كاملين، أنه إلا كانت شي شبهة فالاتهامات اللي توجّهات ليه من طرف (أوزين زعيم حزب السبولة)، بحال استغلال القاصرين، أو أنه عندو فيلا فأنفا، أو كينظم «سهرات حمراء أو ملوّنة»، فهو مستعد يقدّم راسو للعدالة، وتحكم عليه بأقصى العقوبات.

وفالمقابل، كيقول شحتان إنه إلا تبيّن باللي هاد الاتهامات ما عندها حتى ساس، كيطلب من العدالة تحرّك بالخف ضد أوزين، وضد كل واحد اتهمو، بالظلم والعدوان.