الرئيسية > آش واقع > شبيبات الحمامة والميزان والجرار والعود للاساتذة المضربين: كناشدوكم ترجعو لاقسامكم وانخارطو فالحوار
02/12/2023 13:32 آش واقع

شبيبات الحمامة والميزان والجرار والعود للاساتذة المضربين: كناشدوكم ترجعو لاقسامكم وانخارطو فالحوار

شبيبات الحمامة والميزان والجرار والعود للاساتذة المضربين: كناشدوكم ترجعو لاقسامكم وانخارطو فالحوار

كود كازا ///

دخلات الشبيبات الحزبية لأحزاب الأغلبية الحكومية =الاحرار والاستقلال والبام= بالاضافة لمنظمة الشبيبة الدستورية، على خط مشكل إضراب الأساتذة، وناشداتهم البارح فبلاغ مشترك باش يُغلبوا منطق الحكمة والرزانة، ويوفروا المناخ المناسب للحوار من أجل حل الإشكالات العالقة، باش ما يضيعوش حقوق التلاميذ ولاد المغاربة فالتعليم. ‎

البلاغ اللي صدر البارح الجمعة، عن شبيبات أحزاب التجمع الوطني للأحرار، والأصالة والمعاصرة، والاستقلال إلى جانب الشبيبة الدستورية، نوه بالتجاوب الإيجابي للمركزيات النقابية مع دعوة رئاسة الحكومة للحوار، واعتبر أنه “المجال الوحيد والأوحد لتحقيق المتطلبات والاستجابة للانتظارات المتعددة، وفق الإمكانات المتاحة”. ‎

وقال باللي هاد الحوار، هو اللي استمر فجلسة ثانية بين المركزيات النقابية واللجنة الثلاثية، اللي تعهد ليها بتتبع الملف، وأشاد بحرص الحكومة على جعل الحوار الاجتماعي آلية أساسية لتحسين الأوضاع الاجتماعية والمهنية لكافة الموظفين وعلى راسهم رجال ونساء التعليم، والبحث عن السبل الكفيلة بحل جميع الإشكالات العالقة. ‎

مالين البلاغ، نوهوا كذلك بالتجاوب السريع والفعال لرئاسة الحكومة مع نضالات أساتذة التربية والتكوين، وبالحوار الجاد اللي جرى مع النقابات التعليمية، وأيضا بتحديد تاريخ واضح لتقديم النسخة المعدلة من النظام الأساسي الخاص بموظفي التربية الوطنية، والمحدد في تاريخ 15 يناير المقبل كأقصى تقدير. ‎

الشبيبات دعاوا كذلك الحكومة، إلى التشبث بالتزاماتها المتعلقة بالإصلاح الشامل ديال منظومة التربية والتكوين، وتقديم تحفيزات معقولة لهيئة التدريس باش تقوم بواجبها على أحسن وجه.

موضوعات أخرى

04/03/2024 19:00

المغرب راه جنة ضريبية بالنسبة للمقاولين والشركات وصحاب المهن الحرة وجحيم ضريبي بالنسبة للموظفين ولي كتقطع ليهم الضريبة من المصدر.. أغلب فلوس المغاربة كاينة خارج البنوك وكيتداولوها المواطنين بيناتهم خارج الاقتصاد نوعا ما

04/03/2024 18:10

275  ألف درهم ساهمو بها الرجاويين فشراء التذاكر الافتراضية وتعطات كلها اللاعبين باش يتحفزو

04/03/2024 18:00

البرلماني السابق الفايق داز اليوم عند قاضي التحقيق مع خوه بتهم الاحتجاز والضرب والجرح والتهديد

04/03/2024 17:30

فضيحة وفاة أطفال عندهوم الكُونْصير ففاس.. القضاء يقرر استدعاء عائلات الضحايا للاستماع إليهم فالجلسة الجاية

04/03/2024 17:00

المفوض السامي لحقوق الإنسان هدم أطروحة الحرب اللي كتروج ليها البوليساريو ونظام العسكر فالصحرا

04/03/2024 16:30

مقرب من النعم لـ”كود”.. لخبار لي راجت على تنسيق ميارة وسعود باش ينسفو اتفاق ولد الرشيد مع بركة كتدخل فإطار ترويج الشائعات وحزب الاستقلال غادي فطريقو