كود الرباط//

علمت “كود” من مصدر حزبي مطلع أن القيادة الجماعية لحزب الأصالة والمعاصرة، غاضبة من الوزيرة ليلى بنعلي، بسبب “ضعف” روايتها حول شبهة تضارب مصالح والبوسة مع رجل أعمال أسترالي مشهور.

وقالت مصادر “كود” بأن القيادة الجماعية للبام رفضت التضامن مع بنعلي، مؤكدة بأن القيادة رفضت أن تصدر أي بلاغ في الموضوع وتركت الوزير بنعلي وحيدة في مواجهة الصحافة.

المكتب السياسي للبام عندهم اجتماع الاثنين، ومزال معطاوش حتى موقف رسمي فالقضية اللي اثارتها الصحافة البريطانية والأسترالية حول علاقة غرامية بين الوزيرة البامية والملايري الأسترالي وبلي ممكن هادشي يكون فيه كذلك مصالح، خصوصا وأن الأسترالي خدا مارشيات فالمغرب. وكاين فالبام لي شكك فرواية الوزيرة وبانت ليهم ضعيفة فالرد لي دارت.

وكانت بنعلي نفات (نوعا ما) أنها هي اللي تم تصويرها وهي كتباوس مع رئيس مجلس إدارة فورتسكيو أندرو فورست في باريس، هادي تقريبا جوج سيمانات.

واللي ماتابعش الموضوع، هادشي كامل داير على تصويرة د فورست نشرتها صحيفة ديلي ميل نهاية السيمانة اللي فاتت بلا ماتقول شكون المرا اللي مع فورست، حتى خرجات صحيفة The Australian مقال مرفوق بالصورة البوسة وقالت أن بنعلي تقدر تكون هي المرأة الغامضة.

نفس الصحيفة نشرات لبارح رد على بلاغ الوزيرة اللي نكرات فيه أنها هي المرا اللي كتباوس مع الملياردير الاسترالي.

وقالت الصحيفة الاسترالية إن البوسة بيناتهم ماشي خطأ. فورست منفصل على مراتو وبنعلي سينگل. وكيبان أنهم كانو كيتلاقاو لبعض الوقت وماكاين حتى اتهامات بالفساد أو نقص النزاهة؛ فقط راجل واقف أمام مرا، يسألها أن… (نتوما عارفين الباقي). وبصح، تقدر ديرونجا من تصويرك ونت كتبوس شخص مشهور فالأماكن العامة، ولكن رد فعل بنعلي كان غريب!