الرئيسية > آش واقع > شبكة بزنازة بني ملال. قاضي التحقيق هبط 8 من الجدارمية للعواكش ودابا وصلو للي تشدو ل24
05/06/2023 09:00 آش واقع

شبكة بزنازة بني ملال. قاضي التحقيق هبط 8 من الجدارمية للعواكش ودابا وصلو للي تشدو ل24

شبكة بزنازة بني ملال. قاضي التحقيق هبط 8 من الجدارمية للعواكش ودابا وصلو للي تشدو ل24

سامي العلوي-كود كازا //

قرر قاضي التحقيق بمحكمة ديال كومناف بكازا الاسبوع المنصرم بايداع 8 موظفين ديال جهاز الدرك الملكي تابعين للقيادة الجهوية ديال ابني ملال سجن عكاشة ليصبح العدد 24 دركي معتقلين ،على خلفية ملف مسطرة مرجعية ديال جوج بارونات المخدرات نواحي بني ملال ،كان شدو سنة 2022 من طرف عناصر الفرقة الوطنية ديال البوليس بني ملال ومن بعدما حجزو الهاتف ديال هذا الجوج بزناز ولي صابو فيه تسجيلات صوتية وفيديوهات تتوثق عملية الارتشاء بالاضافة الى ارقامهم الهاتفية ديال العناصر الدركية .

مصدر “كود” ضاف باللي هاد المجموعة دالجندارم لقرقب عليها قاضي التحقيق مورطة فملف الإرتشاء وافشاء السر المهني والتستر على بارونات مخدرات بالمنطقة والتستر على شخص مطلوب للعدالة والمشاركة في هذه الأفعال الإجرامية في انتظار عرض 7 دركيين على الوكيل العام بكازا يشتبه تورطهما فالافعال الاجرامية السالفة الذكر ،وذلك بعدما تنهي عناصر الفرقة الوطنية لابحاث القضائية التابعة لجهاز الدرك ابحاثها التمهيدية مع هذا المجموعة لمكونة من 31 دركي برتب مختلفة .

وكانت عناصر الضابطة القضائية المكلفة بالتحقيق مشات لمجموعة من المراكز الترابية، التابعة للدرك الملكي بالقيادة الجهوية للدرك ببني ملال، من أجل البحث في ملف تاجر المخدرات، الذي كشف خلال مراحل التحقيق معه، عن أسماء عناصر تشتغل في صفوف جهاز الدرك الملكي.

موضوعات أخرى

04/10/2023 22:39

رئيس الوزراء البرتغالي: بطولة كأس العالم 2030 غاتكون ناجحة بكاع المقاييس وأنا فرحان وكنهني اتحادات الكرة في البلدان بثلاثة على الخدمة المزيانة للي دارو

04/10/2023 22:30

المواطنين فالعيون خرجو كيحتافلو  بخبر احتضان المغرب لمونديال 2030 مع الصبليون والبرتغال -تصاور