وكالات //

جورج سانتوس، النائب المنتخب بالكونغرس الميريكاني من الحزب الجمهوري، كيواجه تهمة جديدة ديال التضليل وعدم الأمانة بسبب أنه قدم للمجلس جوج تواريخ مختالفين ديال وفاة الأم ديالو.

المحققون في الكونغرس فتحو تحقيق أولي في هاد قوة لكذوب ديال النائب البرلماني، لأنه سبق وكذب في السيرة الذاتية ديالو وتاريخ عائلتو في الحملة الانتخابية لي دار باسم الحزب الجمهوري.

سانتوس لي عندو 34 عام ربح في انتخابات التجديد النصفي ديال الكونغرس على الدائرة الثالثة في ولاية نيويورك الشهر لي فات، وقال في الحملة الانتخابية ديالو أنه مثلي وحفيد ديال يهودي ناجا من المحرقة النازية، ومصرفي ناجح في وول ستريت.