كود -وكالات//

بينات Global Citizen على اللائحة ديال النجوم اللي غادي يحييو نهائي كأس العالم 2026، اللي غادي يدار نهار 19 يوليوز بين الشوط الأول والثاني، فسابقة هي الأولى من نوعها فتاريخ المونديال.

ومن بين أشهر الفنانين اللي غادي يشاركو كاينين بيرنا بوي، شاكيرا، مادونا، فرقة BTS، جاستن بيبر، و قائد الأوركسترا العالمي غوستافو دوداميل، عاد PS22 Chorus بمشاركة فرقة Coldplay.

هاد العرض كيتنظم بشراكة بين الفيفا وGlobal Citizen، والهدف منو هو يخليو نهائي كأس العالم حدث رياضي وفني عالمي، بحال عروض الاستراحة المشهورة ديال نهائي السوبر بول الأمريكي.

ومن المتوقع أن الحفل يتابعو ملايين الناس  فالعالم، خصوصاً مع الشعبية الكبيرة اللي عند الفنانين المشاركين، واللي غادي يخلي نهائي المونديال يكون فرجة كروية وموسيقية فدقة وحدة.