وكالات//

غادي تتقدم النجمة العالمية والمغنية الكولومبية شاكيرا، اليوم الاثنين، أمام القضاء الإسباني، فأولى المحاكمات ديالها بتهمة الاحتيال الضريبي، ولي القيمة ديالو تقريبا 14.5 مليون يورو، يعني تقريبا 15 مليار سنتيم.

وغادي يكون على المغنية الشهيرة تدافع على راسها في التهم لي كتوجها ليها المحكمة ولي كيطالب الادعاء أنه يحبسها 8 سنين ديال الحبس وغرامة مالية كبيرة واصلة لـ 23.8 مليون يورو.

مولات الأغاني الناجحة بحال “واكا واكا” و”هيبس دونت لاي”، ولي حققات نجاح جديد، نهار الخميس، في حفلة توزيع جوائز غرامي اللاتينية في إشبيلية، كتنفي كاع هاد الاتهامات بشكل قاطع.

الادعاء كيتهم شاكيرا بالتهرب عن دفع ضرائب مرتبطة بالدخل ديالها والممتلكات ديالها في إسبانيا بين 2012 و2013 و2014، رغم أنها كانت كتعيش، بحسب مكتقول، أكثر من نصف العام في البلاد.