وكالات //

مزكلاتش المغنية الكولومبية شاكيرا راجلها لي تفارقات معاه، جيرار بيكي، اللاعب السابق ديال البارصا، وكلاشاتو بعدما قالت أن المسيرة ديالها الفنية تأثرات بسباب هاد العلاقة.

وقالت مولات أغنية “واكا واكا” أنه في أي علاقة زواج لي فيها الولاد، المراة هي لي كتاكل العصا، وأنا كليت العصا، حيت اهتميت بالعائلة ديالي على حساب الفن ديالي.

هاد الهضرة جات بعدما ربحات شاكيرا 3 د الجوائز في حفل الفرامي الخاص بالموسيقى اللاتينية لي تدار في الصبليون.

وكيجي كذلك، في الوقت لي كتقول الصحافة أن بيكي بغا يرجع ليها وهي رافضة تماما الفكرة.