وكالات //

عرضات المغنية العالمية شاكيرا على صاحبها السابق مدافع البارصا، جيرار بيكي، (عرضات عليه) الفلوس، باش يخليها تدي ولادهم يعيشو معاها فميريكان، لكن بيكي مزال ماقبلش باش يعيشو ولادو بعاد عليه.

جورنال “ماركا ” الصبليوني، قال بللي شاكيرا عرضات على بيكي أنها هي تتكلف بالمصاريف كلها ديال الوليدات، وتقطع ليه 5 ديال المرات فالعام البيي ديال الطيارة باش يجي يشوفهم، وتخليهم يودزو معاه عطلة الصيف.

الفنانة الكولومبية عرضات أيضا على بيكي تخلص ليه 20 فالمية من الكريدي اللي كيتسالوه الضريبة فالصبليون، باش يقبل يخلي معاها الولاد، لكن بيكي لحد الساعة مزال ماقبلش وتا هو ناوي يقدم عرض لشاكيرا، حسب نفس المصدر.

ومزال الخلاف وشد ليا نقطع ليك نايض بين بيكي وشاكيرا على حضانة ولادهم، واللي كان بدا مباشرة بعد فراقهم ونهاية علاقتهم اللي بدات قبل 12 لعام.