وكالات//

بزاف ديال الصحف العالمية هاد ليامات كيهضرو على نجمة البوب العالمية شاكيرا لي دخلات فعلاقة حب جديدة مع لويس هاميلتون نجم سباقات فورملا 1، وهادشي من بعدما تفارقات مع الكوايري جيرارد بيكيه.

شاكيرا بانت غارقة في الحب وعايشة الغرام فقصة الحب الجديدة بينها وبين هاميلتون. ومؤخرا، كانو كيمشيو لبزاف ديال لبلايص مع بعضياتهم والكاميرات صوروها كتحضر لكاع سباقات الفورمولا 1 اللي كيشارك فيها هاميلتون.

شاكيرا ولويس مدوزين وقت زوين وشبعانين دوران مع راساتهم وممسوقينش لبنادم، ودارو رحلة فليخت على طول ساحل ميامي، وتعشاو مجموعين مع صحابهم.