وكالات//

قالت نجمة البوب شاكيرا عبر السوشيال ميديا أنها دخلت السبيطار فالبيرو “بسبب مشكلة فالمعدة”، وهادشي خلاها تأجل الحفل اللي كانت غادي تديرو نهار الأحد.

كتبت شاكيرا فالتدوينة “كنت حزينة نخبركم أنني كنت مضطرة البارح نمشي لقسم الطوارئ بسبب مشكلة فالمعدة وأنا دابا فالسبيطار.. الأطباء اللي كيشرفو على علاجي قالو لي أن حالتي ما كتسمحش لي نقدم العرض ديال الليلة”.

ووصلات المغنية الكولومبية إلى ليما يوم السبت، وكانت هادي أول زيارة ليها لتما لتقديم عرض من أكثر من 10 سنين. ونتاشرات بزاف ديال المقاطع ديال مئات المعجبين اللي استقبلوها فالمطار.

وقالت شاكيرا فالتدوينة ديالها “كنتمنى نكون فحالة مزيانة غدا إن شاء الله ويطلقو ني من السبيطار باش نقدر نقدم العرض اللي حضرت ليكم كلكم”.