كود سبور//
تعرفو ماتشات الباراج سوا ديال البقاء والطلوع للقسم الأول أو ديال البقاء والطلوع للقسم الثاني فالبطولة الاحترافية لكرة القدم.
وغايلعبو شباب السوالم اللي احتلو المركز 14 فالقسم الأول ضد أولمبيك الدشيرة اللي جاو ثالثين فالقسم الثاني، وغايلعبو حسنية أكادير اللي جاو 13 فالقسم الأول ضد رجاء بني ملال اللي جاو الرابعين فالقسم الثاني، والجوج فراقي اللي غايربحو غايلعبو فالقسم الأول الموسم الجاي (ماتش الذهاب فتيران فريق القسم الثاني والروتور فتيران فريق القسم الأول).
أما بخصوص الطلوع للقسم الثاني أو البقاء فيه، فيوسفية برشيد للي احتلو المركز 13 فالقسم الثاني غايلعبو ضد المحتل للمركز الرابع من القسم الوطني هواة، ومولودية وجدة اللي احتلو المركز 14 فالقسم الثاني، غايلعبو ضد المحتل للمركز الثالث هواة، وغدا غايتعرفو شكون من فرق الهواة اللي غايلعبو الباراج بإجراء الدورة الأخيرة، (ماتش الذهاب فتيران فريق القسم الوطني هواة والروتور فتيران فريق القسم الثاني).