كود سبور//

يواصل الكوكب المراكشي المتصدر لبطولة القسم الثاني، تضييع النقاط، بسبب تعادل جديد وهذه المرة مع النادي القنيطيري، اليوم السبت برسم الدورة 26 من بطولة القسم الثاني.

وسالا الماتش بين الكوكب المراكشي والنادي القنيطيري بنتيجة التعادل الايجابي واحد لواحد، وماركاو الكوكب هما الاولين فالشوط الاول، والنادي القنيطيري ماركاو فالشوط الثاني.

وبهذه النتيجة خداو الفريقين نقطة لكل فريق، وولات عند الكوكب المراكشي 47 نقطة ومتصدرين، والكاك ولات عندهم 28 نقطة برصيد

ورجاء بني ملال صحاب المركز الثاني، تعدلو مع السطاد المغربي بنتيجة 1-1، وولات عند الملاليين 45 نقطة، وساط ماروكان عندهم عندهم 33 نقطة ومحتلين المركز 6.

اما يعقوب المنصور ربحو يوسفية برشيد بنتيجة 2-1، وولات عندهم 44 نقطة، ويوسفية برشيد ولات عندهم 27 نقطة ومحتلين المركز 27 نقطة، وولاد حريز لاعبين على الطيوح.

وربحو أولمبيك الدشيرة وداد فاس بنتيجة واحد لزيرو، وخداو 3 نقاط، رفع بها الفريق الرصيد إلى 42 نقطة، ووداد فاس عندهم 33 وهما الخامسين.