الرئيسية > آش واقع > شاط الخير عليهم وخا الجايحة.. جهة الداخلة بغات دير فيلم على “الخطاط ينجا” ب 140 مليون سنتيم!
29/03/2021 11:40 آش واقع

شاط الخير عليهم وخا الجايحة.. جهة الداخلة بغات دير فيلم على “الخطاط ينجا” ب 140 مليون سنتيم!

شاط الخير عليهم وخا الجايحة.. جهة الداخلة بغات دير فيلم على “الخطاط ينجا” ب 140 مليون سنتيم!

كود الداخلة //

فزمن الجائحة ديال كورونا التي أنهكت الاقتصاد الوطني، رئيس جهة الداخلة “الخطاط ينجا” بغا ايدخل فحملة انتخابية قبل الوقت، بتخصيص مبلغ كبير لفيلم دعائي على جهود ومنجزات مجلس جهة الداخلة وادي الذهب اللي هي أصلا كاتعيش كارثة تنموية على كافة المقاييس وفشل ذريع في تنزيل الجهوية المتقدمة.

الإعلان على الميزانية الضخمة دارت ضجة فوسط سكان الداخلة اللي كا يشوفو أنه كان بالإمكان توجيه هذا المبلغ المالي للمنظومة الصحية التي تعيش أوضاعا مزرية، كما كان يمكن أن يوجه لإصلاح البنية التحتية بعاصمة الجهة مدينة الداخلة، اللي موجهة لها الأنظار بعد الاعتراف الأمريكي بمغربية الصحراء وإنشاء قنصلية مؤقتة بها.

الدولة استثمرت أموال ضخمة لتطوير جهة الداخلة من خلال إطلاق طلبات عروض لتشييد الميناء الأطلسي بامهيريز، وبلاصة مايكون للمجلس الجهوي دور إيجابي و المساهمة في إنجاح هذه الاستثمارات وهاد الدينامية، اختار تبديد المال على الماكياج الشخصي، حيت بان من خلال هذه الخطوة رغبة رئيس الجهة باش ايدير التسويق الذاتي قبيل الاستحقاقات الانتخابية ومن ميزانية مجلس الجهة على حساب مصالح السكان، التي تتسأل عن الفائدة والقيمة المضافة لهذا الفيلم على المدينة و أهلها؟

المسألة الثانية والتي أثارت الكثير من علامات الاستفهام هو عدم التزام رئيس الجهة بالمذكرة الوزارية ديال وزارة الداخلية، والتي شددت على ضرورة ترشيد النفقات وتزيار الصمطة والاستغناء عن جميع الالتزامات المالية غير الضرورية فهاد الأزمة، وهو ما يشكل تحدي لوزارة الداخلية واستهتار بالمقررات الوزارية الصادرة عنها بقرار الخطاط تخصيص 1.40 مليون درهم لإنتاج فيلم لن يقدم ولن يؤخر من معاناة الساكنة.

موضوعات أخرى

18/04/2021 22:00

برنامج تاريخنا على “كود”.. (الحلقة 3): حكاية الامير العلوي امحمد لي حبس خوتو السلاطين وتقتل على يد خوه السلطان الرشيد – فيديو

18/04/2021 21:30

الڤاكسان غادي يزيد يقلال .. الإبراهيمي: سينوفارم وسبوتنيك غادي يبقاو أوفياء لاستراتيجية “التقطير” وخاص نصب كل جهدنا للحصول على اللقاحات الأمريكية

18/04/2021 21:00

رمضان وكونفينمون (الحلقة 4).. طارق البخاري فحوار مع “كود”: كنجيب لصاحبي ياكل فنهار رمضان غير ماياكلش حدايا وهانياتون.. وشي أوجه محتكرين ميدان التمثيل وديما كيمثلو نفس الشخصية بدون إبداع

18/04/2021 20:00

شوهة MBC5.. نشطاء ومعلقين ماخلاوش لمسلسل “سلمات أبو البنات” بالانتقاد: النيفو ديال هاد الجزء كفس من اللول فالحوار والأحداث وكامل مضامين رجعية وذكورية – تدوينات

18/04/2021 19:20

قيامة 2021 بدات فالصحراء.. حزب الإستقلال هاجم بلدية الداخلة بقوة واتهمها بتحويل شبه الجزيرة إلى مكبات عشوائية للنفايات وْفضح فشلها فتدبير جميع القطاعات الحيوية والأوضاع الكارثية بالمدينة

18/04/2021 19:00

واش داك المسلسل ديال بنات العساس كايضحكو على المتفرج ؟! جايبين منى فتو عندها خمسين عام و بوطازوت عندها ربعين عام باش يمثلو الدور ديال مراهقات صدقو كايبانو متخلفات عقليا ! عيالات شخشات كولا وحدة يا وحدة دايرين گرينات و كاينقزوا هادو ماشي بنات العساس هادو عيالاتو !