الرئيسية > تبركيك > شاط الخير على زعير.. “لارام” كتسافر ب”مؤثرين” فانستگرام لميامي واليونان فابور وكتفرق في الرحلات ب0 درهم
27/02/2020 09:00 تبركيك

شاط الخير على زعير.. “لارام” كتسافر ب”مؤثرين” فانستگرام لميامي واليونان فابور وكتفرق في الرحلات ب0 درهم

شاط الخير على زعير.. “لارام” كتسافر ب”مؤثرين” فانستگرام لميامي واليونان فابور وكتفرق في الرحلات ب0 درهم

أسماء غربي-كود//

من شهر 9 ولارام دايرة حملة في انستكَرام كتسافر بصحابات وصحاب الانستكَرام لي عندهم متابعين بزاف. وكيف كيقول المثل شاط الخير على زعير، هاد الشركة لي كيديرها المدير عبو غادي وكيزيد يغرق ليها الشقف.

هاد السيمانة “لارام” داو الماكيوز صونيا نكادي هي وراجلها لميامي، والكوبل دارو مسابقة، أي واحد من المعلقين عرف الوجهة ديالهم كيربح رحلة ذهاب واياب فابور من لارام فيها كلشي.

View this post on Instagram

Alerte giveaway ???? ???? أنا مازال ماعارفش فين غانمشي ،الحاجة الوحيدة اللي عارف باللي واحد فيكم غادي يربح تذكرة طائرة ذهاب وإياب لنفس الوجهة اللي غادي نسافر ليها أنا . كيفاش ؟؟؟ 1-خاصكم تلايكيو هاد البوسط 2-تديرو فولو لكونط ديال الملكية المغربية للطيران @royalairmaroc 3-تجاوبو فكومنطير هنا على فين فنظركم غادي نسافر ؟ اللي غادي يربح خاص يكون عندو الجواب صحيح ،يالله بينو ليا الذكاء #hichammasrar1 #ram #yesram #challenge #ramchallenge #travel #world #fly #dream #what_is_your_dream

A post shared by Hichammasrar | هشام مسرار (@hichammasrar1) on

دابا الشركة عوض ماتحسن من خدماتها كتحاول تلمع صورتها من خلال تضياع الفلوس على هاد الناس لي حياتهم كاملة اشهارات في انستكرام وكل بوسط كيتخلصو عليه.

هاد الحملة لي دايرين باسم #ramchallenge شاركو فيها بزاف ديال المشاهر، بحال أمين ويزيد المعروف ب”HLS” لي داوه لليونان، والممثلة اسماء الخمليشي لي مشات لايطاليا، وهشام مسرار لي داوه حتى هو لليونان، وأسماء أخرى.

موضوعات أخرى

09/04/2020 10:12

محمد السادس كاعي على كيفاش كتواصل هاد الحكومة مع لمغاربة. هاد الشي علاش طار عبيابة وجا امزازي وبداو الوزرا كيخرجو يشرحو ويوضحو